Boreala foresto

Taigo (Ruse тайга́) o boreala foresto esas biomo konsistanta ek foresto di koniferi, nome pini, abieti e larici. Ol esas la maxim vasta biomo di la Tero. En Nord-Amerika ol kovras granda parto di kontinental Alaska, Kanada e la nordo di kontigua Usana teritorio. En Eurazia ol kovras granda parto di Suedia, Finlando, la nordo di Rusia de Karelia weste, til Pacifiko, trairanta granda parto di Siberia, granda parto di Norvegia ed Estonia, parto di la litoro di Islando, nordo di Kazakstan, nordo di Mongolia e parto dil insulo Hokkaido.

Boreala foresto en sua nuna formo esas kelke recenta. Ol originis cirkume 12 mil yari ante nun, kovranta parto dil anciena stepo en qua habitis mamuti. Granda parto dil arei kovrata da boreala foresti esas basa tereni. La regiono inter tundro e taigo nomizesas "lineo di arbori".