Busan

Busan, olim konocita kom Pusan e nun oficale Metropolala Urbo Busan esas la duesma maxim grand urbo di Sud-Korea, dop Seoul. Segun statistiki de 2020, ol havis 3 411 829 habitanti. Lua tota surfaco esas 767,35 km².

Busan
Kelk imaji pri Busan.
Blazono
Lando:	Sud-Korea
Informo:
Latitudo:	35°10'N
Longitudo:	129°04'E
Surfaco:	767,35 km²
Habitanti:	3 411 829 (2020)
Denseso di habitantaro:	4400 hab./km²
Disto de Seoul:	401[1] km
Horala zono:	UTC+9
Urbestro:	Park Heong-joon
Mapo:
Oficala retosituo:
www.busan.go.kr

Portuo di Busan.

Busan distas 314 km de Seoul ma nur 214 km de Fukuoka, en Japonia,^[2] e personi en Busan parolas la Koreana kun achento simila a Japoniana. Same, personi en Fukuoka, Japonia, parolas la Japoniana kun achento simila a Koreana.

Busan esas plu varma kam Seoul, e havas la maxim granda filmo-produktado en Korea. Lua portuo esas la maxim granda de Sud-Korea, e la 9ma maxim importanta de la mondo. L'urbo esas centro por internaciona konventi, exemple la renkontro di ASEAN en 2005. Ol anke gastigas diversa universitati, exemple l'Internaciona Universitato pri Eduko di Busan, fondita en 1946.

Geografio

Ponto Gwangnan, en Busan.

Busan jacas an la maxim sudala punto di Koreana peninsulo, distanta 314 km sude de Seoul. Basa monti cirkondas ol norde ed weste, e la maro cirkondas ol sude ed este. La delto di fluvio Nakdong jacas weste del urbo. Lua maxim alta punto esas monto Geumjeongsan, kun 801,5 metri super la marala nivelo.

La klimato di Busan esas kolda versiono dil klimato humida subtropikala (Cfa segun klimatala klasifikuro da Köppen). La mezavalora temperaturo en januaro (vintro) esas 3,6°C, kontre ke la mezavalora temperaturo en agosto (somero) esas 26,1°C. Dii multe varma o multe kolda esas multe rara. La maxim alta temperaturo enrejistrita en lua historio esis 37,3°C, en 2016, kontre ke la maxim kolda temperaturo enrejistrita esis −14,0°C, ye la 13ma di januaro 1915.

La mezavalora yarala pluvo-quanto dil urbo esas 1576,7 mm, e la maxim pluvoza monato esas julio, kun mezavalore 326,8 mm.

Turismo

Plajo Gwangalli.

Busan surnomizesis "somera chef-urbo di Korea", nam ol atraktas turisti de multa loki di la lando por sua 6 plaji. Vicina a plajo Haeundae, la maxim famoza dil urbo, existas larja trotuaro e luxoza hoteli. Diversa kafeerii, drinkerii e restorerii existas alonge plajo Gwangalli.