Devo (bando)

Devo (pron.: divo) esas Usana bando, fondit en 1973 en Akron (Usa) e konocata pro lia muziko dil epoko nova ondo, fino di la yari 70/komenco di la yari 80. L'elektronala muziko esas robotatra ed atonala, e texti kritikis l'Usana socio, quan la bando konsideris tre mekanikala, rigid e supresanta. La nomo Devo venas de "de-evolution"-teorio (desevoluciono-teorio), teorio qua developesis en la pseudo-ciencala libro "The Beginning Was the End" da Oscar Kiss Maerth.

La kansono "Jocko Homo/Mongoloid" (1977) divenis "kult"-kansono. Brian Eno produktis lia unesma albumo "Q: Are We Not Men A: We Are DEVO". La kopio di la Rolling Stones-kansono "(I Can't Get No) Satisfaction" esis mikra suceso. En Usa la bando obtenis granda populareso, anke dankez lia amuzanta dada-atra videajo sur kanalo MTV. La maxim granda suceso di Devo esis lia kansono "Whip It" (1980).