Dries van Agt

Andreas Antonius Maria "Dries" van Agt (n. 2 di februaro 1931, m. 5ma di februaro 2024) advokato e politikisto, esis chefministro di Nederlando de 1977 til 1982. Pos abandonir la politiko, il anke laboris kom ambasadisto en Japonia ed Usa.

Andreas Antonius Maria "Dries" van Agt
{{{Originala_nomo}}}
Chefministro di Nederlando
Guvernisteso:	de 19 di decembro 1977 til 4 di novembro 1982
Precedanto:	Joop den Uyl
Sucedanto:	Ruud Lubbers
Personal informi
Naskodato:	2 di februaro 1931
Naskoloko:	Geldrop-Mierlo, Nederlando
Mortodato:	5 di februaro 2024
Mortoloko:	Nijmegen
Spozo:	Eugenie Krekelberg
Profesiono:	advokato e politikisto
Politikala partiso:	Christen Democratisch Appèl - CDA

Pos ilua (chef-)ministreso il vizitis cisjordania e vidis la cirkonstanci di la Palestinani. Depos ta vizito Van Agt fondis la Human Rights Forum qua atencigis pri la situeso di la Palestinani e suportis e pledis la yuri di la Palestinani.

Kom Brabantano il prizis la karnavalo ed esis fanatik amanto di biciklo-konkurso precipue la Rondo di Francia. Kom katoliko il esis konservem e por valori konservema. Tamen, kande ilua partiso intencis koalisar kun la PVV, extrem-dextra partiso, il minacis desmembrigar su de la CDA. Van Agt restis membro di la CDA, ma - segun propra dico - votis por la progresema partiso GroenLinks (verdi) (2017). Plu tarde, pro deskontenteso pri la 'poltrona' atitudo di CDA koncernante l'Israelan-Palestinana konflikto, il desmembrigis su definitive en 2021^[1].

Van Agt exekutis eutanazio, kun sua sam-evanta spozino, ye la sama dio. Li mortis manuo-en-manuo^[2].

Precedanto Joop den Uyl

→

Chefministro di Nederlando 1977 til 1982

→

Sucedanto Ruud Lubbers