Turismo, banki e rafinado di petrolo esas la precipua ekonomial agadi di Aruba. En 2017, plu kam 2 milion turisti vizitis l'insulo, di qui 80% til 85% esis Usani. Konseque de la kresko di turismo, altra agadi, exemple konstrukturo (nome hoteli) anke kreskis. Nun, la quanto di liti en hoteli esas 5-ople olta di la yaro 1985.
La sulo dil insulo esas povra, e la pluvo-quanto esas poka por developar agrokultivo. Industrio apogas su precipue en petrolo (la refinerio riapertesis en 1993) e portuala facilaji.
