Depos lua nedependo en 1966, l'ekonomio di Barbados transformesis, de dependanta del exportaci di sukro e basa revenui, a la maxim richa ed un ek la maxim developita de estal Karibia. Nun, lua precipua bazi esas turismo, internaciona bankala operaci, ed extera kolokado. La lando havas un ek la maxim granda TNP po persono de la regiono.
Lua ekonomio kreskis forte pos 2003, pro la kresko di la profiti de turismo e la konstrukturo di domi, ma en 2009 ol subisis l'efekti di mondala krizo ekonomiala: lua ekonomio diminutis, e publika debo atingis 106% de la TNP[1]. Lua guvernerio duras esforcar pri diminutar chomeso, e por stimular l'exterlanda kolokado. La lando havas bone edukita laboro-povo.