Ekonomio di Belize

La mikra ekonomiko di Belize dependas precipue de turismo e del exportaco di marala produkturi, nome fishi, kultivata vari, nome banano e citrusi, e kruda petrolo.^[1] Petrolo deskovresis en la lando en 2006. L'industrio esas poka, pro l'alta kusto di energio e la mikra domestika merkato. La lando havas diversa turistal atraktivi, exemple, koralia rifo (Belize Barrier Reef, rifala bariero di Belize), ruini del periodo Maya, regioni ube esas posibla plunjar uzanta plunj-aparati o snorkelo, o navigar uzanta seglobateli, ed abundanta foresti. En 2011, 888 191 turisti vizitis la lando, la maxim multa ek li veninta de Usa.

Ekonomio di Belize
Pekunio	Dolaro di Belize
Internaciona organizuri	MOK, CARICOM
Statistiki [1]
Totala nacionala produkturo (TNP)	US$ 3 839 000 000 (2022)
Rango TNP	188ma[2] maxim granda
Kresko di TNP	15,23% (2022)
TNP po persono	US$ 9 500
TNP segun sektoro	agrokultivo 10,3%, industrio 21,6%, servadi 68% (2017)
Inflaciono	6,28% (2022)
Habitantaro sub la povreso-lineo	41,0 (2013)
Laboro-povo	185 000 (2022)
Laboro-povo segun okupo	agrokultivo 10,2%, industrio 18,1%, servadi 71,7% (2007)
Chomeso	8,67% (2022)
Komercala parteneri [1]
Exportaci (US$)	1 369 milioni (2022)
Precipua parteneri	Usa 22%, Unionita Rejio 16%, Guatemala 10%, Hispania 7%, Honduras 5% (2022)
Importaci (US$)	1 574 milioni (2022)
Precipua parteneri	Usa 33%, Popul-Republiko Chinia 23%, Guatemala 9%, Mexikia 8%, Kanada 3% (2022)
Publika financi [1]
Extera debo	1 315 milioni (2017)
Revenuo totala (US$)	583 milioni (2019)
Spenso totala (US$)	656 milioni (2019)
Noto: Ecepte kande kontree mencionata, valori en ca tabelo esas en Usana dolari

Hoteli en Belize City.

Banano esas un ek la precipua vari por exportaco en Belize.

Til la 20ma yarcento, l'ekonomio dependis multe del extraktado di forestala produkturi. Kampesho, arboro uzata por produktar tinto, esis komence la precipua produkto por exportaco. Nun la lando kultivas precipue banano, kakao, citruso e sukrokano, e duras exportacar sukro e ligno. Lua pekunio, dolaro di Belize, havas fixa kurso di kambio, 2 po 1, relate dolaro di Usa.

Malgre Belize havar la 3ma maxim alta TNP po persono de central Amerika, la "mezavalora revenuo" celas la granda sociala disto inter richi e povri. Un ek la precipua skopi di la guvernerio esas diminutar la povreso.