Ekonomio di Botswana

De lua nedependo en 1966 til la komenco di globala krizo ekonomiala di 2008, Botswana havis un ek la maxim alta procenti di ekonomiala kresko yarala de la mondo. En 2009, ja afektita da mondala krizo, lua industriala produktado diminutis preske 30% ta yaro. La lando rekuperis su de la krizo en 2010, tamen ol kreskis poke til 2017, nome pro la diminuto di mondala komerco di diamanti, ma anke pro la manko di aquo ed energio. Pro fiskala equilibro ed efikiva administrado, Botswana evolucionis de un ek la maxim povra landi de la mondo cirkume 5 yardeki ante til meza-revenua lando, havanta TNP po persono di 18 100 dolari Usana em 20117. Ol anke judikesas kom un ek la min korupta landi ed un ek la maxim bona landi por aferi de Afrika.

Ekonomio di Botswana
Pekunio	pula
Internaciona organizuri	MOK, Afrikana Uniono, SADC, AfCFTA (signatis), SACU
Statistiki [1]
Totala nacionala produkturo (TNP)	US$ 46 743 milioni (2023)
Rango TNP	128ma[2] maxim granda
Kresko di TNP	2,73% (2023)
TNP po persono	US$ 18 800,00 (2023)
TNP segun sektoro	agrokultivo 1,6%, industrio 34,3%, servadi 59,4% (2023)
Inflaciono	2,8% (2024)
Habitantaro sub la povreso-lineo	16,10% (2015)
Laboro-povo	1 173 000 (2024)
Laboro-povo segun okupo	nekonocata
Chomeso	23,1% (2024)
Komercala parteneri [1]
Exportaci (US$)	6 398 milioni (2023)
Precipua parteneri	Unionita Araba Emirii 27%, India 17%, Belgia 16%, Sudafrika 8%, Usa 7% (2023)
Importaci (US$)	7 228 milioni (2023)
Precipua parteneri	Sudafrika 65%, Namibia 8%, Kanada 5%, Popul-Republiko Chinia 3%, India 3% (2023)
Publika financi [1]
Extera debo	1 761 milioni (2023)
Revenuo totala (US$)	5 989 milioni (2022)
Spenso totala (US$)	5 009 milioni (2022)
Noto: Ecepte kande kontree mencionata, valori en ca tabelo esas en Usana dolari

Viro edukas kapri sur sika fluviala lito.

Agrokultivo duras furnisar vivo-moyeno por 70% de rurala habitantaro. Tamen, ol furnisas nur 50% de la nutrivi quan la lando bezonas, e reprezentis nur 1,6% de la totala nacionala produkturo en 2016. La sektoro afektesas da nereguloza pluvozeso e da povra suli.

Minado dominacas l'ekonomio di la lando depos la yari 1970a. Du granda kompanii, Debswana (kreita per egala partopreno de kompanio De Beers e de la guvernerio di Botswana) e Bamangwato (anke kun granda partopreno de la guvernerio) operacas minado en la lando. La lando exportacas precipue diamanto, qua reprezentas cirkume 85% del exportaci, 1/3 de la revenui guvernala, e 1/4 di la TNP de la lando. Altra produkturi exportacata esas kupro, nikelo e karbonato di natro, ed anke karno e stofo. En 2022, minado reprezentis 22% de la TNP di la lando.