Ekonomio di Irak

L'ekonomio di Irak ankore dependas forte de petrolo, qua furnisis 89% di la revenui del extera komerco en 2024^[3]. Agrala ekonomio developis multe rapide pos la revoluciono di la 14ma di julio 1958, qua revokis Irakana monarkio. En 1980, Irak havis la 3ma maxim granda ekonomio de Mez-Oriento. To eventis pro industriizo e developo di substrukturi dum la yari 1970a, dum la guvernerio da Saddam Hussein, inkluzinte projeti pri irigaco, konstrukto di chosei e ferovoyi, ed instalo di elektro en rurala regioni.

Ekonomio di Irak
Pekunio	Dinaro di Irak
Internaciona organizuri	OPEP
Statistiki [1]
Totala nacionala produkturo (TNP)	US$ 572 939 milioni (2023)
Rango TNP	45ma[2] maxim granda
Kresko di TNP	-2,94% (2023)
TNP po persono	US$ 12 700,00 (2023)
TNP segun sektoro	agrokultivo 2,8%, industrio 55,6%, servadi 42,3% (2023)
Inflaciono	4,4% (2023)
Habitantaro sub la povreso-lineo	23,00% (2014)
Laboro-povo	12 008 000 (2024)
Laboro-povo segun okupo	agrokultivo 21,6%, industrio 18,7%, servadi 59,8% (2008)
Chomeso	15,5% (2024)
Komercala parteneri [1]
Exportaci (US$)	107 852 milioni (2023)
Precipua parteneri	Popul-Republiko Chinia 33%, India 28%, Usa 8%, Grekia 5%, Unionita Araba Emirii 5% (2023)
Importaci (US$)	81 179 milioni (2023)
Precipua parteneri	Unionita Araba Emirii 32%, Popul-Republiko Chinia 20%, Turkia 18%, India 5%, Usa 2% (2023)
Publika financi [1]
Extera debo	15,58 miliardi (2023)
Revenuo totala (US$)	90 204 milioni (2019)
Spenso totala (US$)	64 512 milioni (2019)
Noto: Ecepte kande kontree mencionata, valori en ca tabelo esas en Usana dolari

Petrolo-platformo en Irak.

Dum la yari 1980a, financala problemi pro la granda spensi dum la Milito Iran-Irak e la domajo di Irakana instaluri por exportaco di petrolo obligis la guvernerio impozar austereso ekonomiala, obtenar presti e pose riorganizar la pago di la debo. L'ekonomio di Irak perdis adminime US$ 80 miliardi kom rezulto di la milito^[4]. Pose, militi kontre Kuwait (Gulfo-milito, en 1991) ed Usa (2003) devastis granda parto di lua pekuniala rezervi exterlanda.