Kun la deskovro di granda jaceyi di petrolo e naturala gaso pos 1939[3][4] l'ekonomio di Katar divenis richa e prosperoza. Petrolo e naturala gaso reprezentas cirkume 92% de la profiti kun exportaco, e 62% de la revenui dil guvernerio. Entote la jaceyi konocata di naturala gaso en Katar superiras 7 000 km³, to esas, plu kam 5% de la jaceyi konocata en la mondo.
Ante la deskovro di petrolo, l'ekonomio di Katar dependis precipue de la pesko di perli, e la lando esis un ek la maxim povra de la mondo. En 1973 la produktado di petrolo kreskis enorme, e la TNP po persono divenis un ek la maxim granda de la mondo.
Katarana guvernerio judikas industriizo kom importanta por diversigar l'ekonomio di la lando, ed augmentar l'exportaci. En 1949 instalesis industriala centro en Al Wakrah, ed en 1996 inauguresis industriala centro Ras Laffan, en Al Khor, municipo distanta 80 km de Doha. Ca industriala centri produktas petrokemiala produkturi, kemiala dungi, stalo e materiari por konstrukto.
.jpg)