La mikra ed apertita ekonomio di Latvia dependas forte del exportaci, qui reprezentas 1/3 de lua TNP. Pro lua geografiala situo, lua sistemo portuala e di transporti esas bone developita. Altra importanta sektori ekonomiala esas l'extraktado e transformo di ligno, l'agrokultivo e la produktado di nutrivi, e la fabrikado di mashini ed elektronikala produkturi.
L'ekonomio kreskis mezavalore plu kam 10% inter 2006 e 2007, ma subisis retrakto en 2008 pro forta budjetala deficito. Lua TNP deskreskis 18% en 2009 pro bankroto di la duesma maxim granda banko di la lando. L'ekonomio ankore ne superiris lua nivelo ante la krizo quankam la forta kresko, nome del exportaci, de 2011 til 2014.
Yarala kresko di Latvian ekonomio 1996 til 2006 - la minima esis 3.3% e la maxima 11.9%.
