L'ekonomio di Malta esas multe industriizita, e havas kom bazo servadi. Ol esas la min granda del Eurozono, e dependas multe di komerco di vari e di servadi, nome kun altra Europana landi.[1] Malta adoptis euro kom monetaro ye la 1ma di januaro 2008.
La lando havas poka aquo ed importacas energio, e produktas nur 20% ek la nutrivi quin ol bezonas. Lua geografiala situo, transformas ol en eniro-loko por nelegala enmigrado, nome de nordal Afrika. Tamen, ca lokizo anke faciligas lua komerco kun altra Mediteranea landi. Lua laboro-povo esas multe produktema e poliglota - cirkume 88% de Maltani anke parolas l'Angla.[3] La lando anke havas basa imposti por entraprezi, e financala sektoro multe developita.
