Nepal esas un ek la maxim povra landi del mondo, e cirkume 1/4 ek lua habitantaro transvivas sub la povreso-lineo.[1] Til la komenco di la 20ma yarcento la lando ne havis mem skoli, hospitali, chosei o sistemi di telekomuniko. Tamen, depos la yari 1950a, lua ekonomiala kresko sustenabas.
La lando dependas multe de la pekunio sendita da Nepalani qui rezidas exterlande, qua reprezentas cirkume 9,1% de la TNP. Exterlanda helpo reprezentas plu kam la duimo de guvernala budjeto. Agrokultivo esas la precipua ekonomial agado, e reprezentas vivo-moyeno por cirkume 2/3 ek la habitantaro, malgre ke ol reprezentas min kam 1/3 de la TNP.
