Ekonomio di Pakistan

Yardeki di politikala disputi e basa exterlanda kolokado efektigis la subdevelopo di Pakistan. La lando havas granda habitantaro qua parolas l'Angla linguo, nome en urbala centri. Malgre kelka progreso dum recenta yari, multa problemi en la sektori di transporto, sekureso ed energio, ed anke la kustoza procedi por kolokar en la lando senkurajigas kolokado.

Ekonomio di Pakistan
Pekunio	Rupio di Pakistan
Internaciona organizuri	MOK, SAFTA, ASEAN, ed altri
Statistiki [1]
Totala nacionala produkturo (TNP)	US$ 1 211 miliardi (2021)
Rango TNP	23ma[2] maxim granda
Kresko di TNP	6,49% (2021)
TNP po persono	US$ 5 200 (2021)
TNP segun sektoro	agrokultivo 24,4%, industrio 19,1%, servadi 56,5% (2017)
Inflaciono	9,5% (2021)
Habitantaro sub la povreso-lineo	24.3% (2015)
Laboro-povo	73 133 000 (2021)
Laboro-povo segun okupo	agrokultivo 42,3%, industrio 22,6%, servadi 35,1% (2015)
Chomeso	4,35% (2021)
Komercala parteneri [1]
Exportaci (US$)	35 566 milioni (2021)
Precipua parteneri	Usa 14%, Popul-Republiko Chinia 8%, Germania 7%, Unionita Rejio 6% (2019)
Importaci (US$)	76 392 milioni (2021)
Precipua parteneri	Popul-Republiko Chinia 28%, Unionita Araba Emirii 11%, Usa 5% (2019)
Publika financi [1]
Extera debo	82,19 miliardi (2017)
Revenuo totala (US$)	46,81 miliardi (2017)
Spenso totala (US$)	64,49 miliardi (2017)
Noto: Ecepte kande kontree mencionata, valori en ca tabelo esas en Usana dolari

Strado I. I. Chundrigar, financala centro di Karachi.

Kom rezulto di politikala nestabileso la rupio di Pakistan min-valorigis 40% depos 2007. En 2008 l'inflaciono atingis 20,8%. ^[1]. En novembro sam yaro la guvernerio paktis kun IMF pri financal aranjo pro krizo en la komercala bilanco. Quankam l'ekonomio stabileskis pos la krizo, ol rekuperis su lente. L'extera kolokado ne durigis nemediate, pro la strukturala problemi de la lando e pro l'ekonomiala krizo en tota mondo. La TNP durigis kreskar erste depos 2012, e kreskis 5,3% en 2017.

Quale l'ekonomii de BRICS, Pakistan havas granda potencialo por kresko dum la 21ma yarcento. Texuri esas la precipua produkturi por exportaco, e la nesuceso di la lando pri diversigar l'exportaco di altra industriala produkturi vundegas ol koncerne chanji en mondala demandi. La chomeso esis 6% en 2017 segun oficala statistiki, tamen ca nombro ne montras la reala situaciono, nam granda parto dil ekonomio esas neformala, e la subemployo esas alta.