Ekonomio di Republiko Kongo

La bazo ekonomiala di Republiko Kongo esas l'exploto di petrolo ed altra naturala resursi^[1]. La rekupero dil ekonomio pos la diminutado di preci di petrolo dum la yari 2010a esabas lenta, e diminutesis en 2020 e 2021 pro la pandemio di KOVID-19^[1].

Ekonomio di Republiko Kongo
Pekunio	Franko CFA di Central Afrika
Internaciona organizuri	MOK, Afrikana Uniono
Statistiki [1]
Totala nacionala produkturo (TNP)	US$ 18 875 milioni (2021)
Rango TNP	155ma[2] maxim granda
Kresko di TNP	-2,2% (2021)
TNP po persono	US$ 3 200 (2021)
TNP segun sektoro	agrokultivo 9,3%, industrio 51%, servadi 39,7% (2017)
Inflaciono	1,72% (2021)
Habitantaro sub la povreso-lineo	40,9% (2011)
Laboro-povo	2 268 000 (2021)
Laboro-povo segun okupo	agrokultivo 35,4%, industrio 20,6%, servadi 44% (2005)
Chomeso	23,01% (2021)
Komercala parteneri [1]
Exportaci (US$)	4 670 milioni (2020)
Exportaci - precipua produkturi	kruda petrolo,kupro, ligno, bateli, rafinita petrolo (2019)
Precipua parteneri	Popul-Republiko Chinia 49%, Unionita Araba Emirii 15%, India 6%, Italia 5% (2019)
Importaci (US$)	3 279 milioni (2020)
Precipua parteneri	Popul-Republiko Chinia 15%, Francia 12%, Belgia 6%, Angola 5% (2019)
Publika financi [1]
Extera debo	4605 milioni (2017)
Revenuo totala (US$)	1 965 milioni (2017)
Spenso totala (US$)	2 578 milioni (2017)
Noto: Ecepte kande kontree mencionata, valori en ca tabelo esas en Usana dolari

Centrala quartero di Pointe-Noire.

Multa familii kultivas nutrivi nur por propra konsumo, sen kapaceso por profitar de lua vendo. La povreso extrema augmentabas, nome en rural arei sude de la lando^[1].

Petrolala sektoro superiris forestala extraktado kom la precipua ekonomial agado di la lando, la precipua exportaco-produkturo, e la precipua fonto di revenui por la guvernerio. Gradope, la produktado di naturala gaso komencis uzesar por produktar elektro, vice esar brulata dum l'extraktado di petrolo. La nova projeti por minerala explotado, nome feroerco, povas adjuntar US$ 1 miliardo a la revenui dil guvernerio.

Quale altra vicina landi, Republiko Kongo adoptas Franko CFA di Central Afrika kom monetaro^[1]. Publika debo augmentabas – en 2017 ol reprezentis 130.8% de la totala nacionala produkturo – ed on kredas ke la guvernerio ne esos kapabla pri pagar ol^[1].