Ekonomio di Senegal

La precipua ekonomial agadi di Senegalana ekonomio esas minado, konstrukto di edifici, turismo, pesko ed agrokultivo - ta lasta esabas la precipua employero dil habitantaro, malgre la quanda quanto di fero, zirkonio, naturala gaso, oro, fosfati, e jaceyi di petrolo recente deskovrita. La precipua fonti di extera revenui esas l'exportaco di fisho, fosfato ed arakido, ed anke turismo e servadi. Agrokultivo, la precipua fonto di employi e revenui di la lando, esas vundebla ad ambientala problemi, exemple manko od eceso di pluvi e klimatala chanji, e vario di internaciona preci.

Ekonomio di Senegal
Pekunio	Franko CFA di Westal Afrika
Internaciona organizuri	MOK, Afrikana Uniono, EKOWAS, Komunitato di Stati de Sahel e Sahara, AfCFTA
Statistiki [1]
Totala nacionala produkturo (TNP)	US$ 78 045 milioni (2023)
Rango TNP	105ma[2] maxim granda
Kresko di TNP	4,58% (2023)
TNP po persono	US$ 4 300,00 (2023)
TNP segun sektoro	agrokultivo 17,4%, industrio 24,3%, servadi 49,2% (2023)
Inflaciono	5,9% (2023)
Habitantaro sub la povreso-lineo	46,70% (2011)
Laboro-povo	5 763 000 (2024)
Laboro-povo segun okupo	agrokultivo 77,5%, industrio e servadi 22,5% (2007)
Chomeso	3% (2024)
Komercala parteneri [1]
Exportaci (US$)	7 001 milioni (2023)
Exportaci - precipua produkturi	oro, rafinita petrolo, fosf-acido, fisho, cemento (2023)
Precipua parteneri	Mali 21%, India 12%, Suisia 11%, Popul-Republiko Chinia 5%, Unionita Araba Emirii 4% (2023)
Importaci (US$)	14 916 milioni (2023)
Importaci - precipua produkturi	rafinita petrolo, kruda petrolo, rizo, vestaro, frumento (2023)
Precipua parteneri	Popul-Republiko Chinia 19%, Francia 9%, Nigeria 7%, India 7%, Rusia 5% (2023)
Publika financi [1]
Extera debo	14 985 milioni (2023)
Revenuo totala (US$)	6 423 milioni (2022)
Spenso totala (US$)	6 424 milioni (2022)
Noto: Ecepte kande kontree mencionata, valori en ca tabelo esas en Usana dolari

Sukriferio en Senegal.

Dakar, olim chef-urbo di Franca Westal Afrika, koncentras la sideyi di multa banki ed institucuri qui anke servas landi vicina. Ol ank esas koncentro-loko por transporti, por lua portuo ed internaciona aeroportuo. La lando anke posedas un ek la maxim bona turismala industrii de Afrika. Tamen, la lando dependas de exterlanda helpo financala.

En 1994, Senegal adoptis forta ekonomiala reformi, e min-valoreskis lua monetaro, Franko CFA di Westal Afrika. Pos deskreskar 2,1% en 1993, lua ekonomio kreskis mezavalore 5% de 1995 til 2008, pro ekonomiala reformi. La granda problemi por sua developo esas korupto, neefikiva judiciala sistemo, lenta burokrataro, e falianta edukala sektoro.