Ekonomio di Seycheli

Ante la nedependo, la bazo dil ekonomio di Seycheli esis agrokultivo, qua employis cirkume 33% de la laboro-povo dum la yari 1960a. Depos la nedependo en 1976, turismo ed industriala pesko gradope divenis la precipua fonti di revenui di la lando, e la TNP po persono kreskis til divenar un ek la maxim granda de Afrika. Nun, turismo employas plu kam 30% de la laboro-povo. Malgre l'esforci pri diversigo di kultivi e pri augmentar lokala produktado, la lando importacas cirkume 90% de la nutrivi quin ol konsumas.

Ekonomio di Seycheli
Pekunio	Seycheliana rupio
Internaciona organizuri	MOK, Afrikana Uniono, AfCFTA (signatis), SADC, COMESA
Statistiki [1]
Totala nacionala produkturo (TNP)	US$ 3 530 milioni (2023)
Rango TNP	194ma[2] maxim granda
Kresko di TNP	3,16% (2023)
TNP po persono	US$ 29 500,00 (2023)
TNP segun sektoro	agrokultivo 2,8%, industrio 12%, servadi 68% (2023)
Inflaciono	0,3% (2024)
Habitantaro sub la povreso-lineo	25,30% (2018)
Laboro-povo	51 000 (2018)
Laboro-povo segun okupo	agrokultivo 3%, industria 23%, servadi 74%
Chomeso	3% (2017)
Komercala parteneri [1]
Exportaci (US$)	2 375 milioni (2023)
Precipua parteneri	Francia 20%, Maurico 12%, Unionita Rejio 9%, Japonia 8%, Italia 8% (2023)
Importaci (US$)	2 437 milioni (2023)
Precipua parteneri	Unionita Araba Emirii 32%, Hispania 10%, Francia 6%, Sudafrika 6%, India 6% (2023)
Publika financi [1]
Extera debo	4 802 milioni (2019)
Revenuo totala (US$)	431,07 milioni (2020)
Spenso totala (US$)	611,548 milioni (2020)
Noto: Ecepte kande kontree mencionata, valori en ca tabelo esas en Usana dolari

Centrala banko di Seycheli

Strada merkato en Seycheli.

Segun inquesti, la litoro di Seycheli posible havas granda jaceyi di petrolo, qui ankore ne deskovresis. Recente, la lando augmentis lua kapaceso por produktar elektro uzanta eolala energio, che insulo Romainville.

En 2008 la lando exhaustis lua internaciona rezervi e ne povis pagar lua debi. Ol recevis helpo de IMF e nemediate adoptis serio di reformi, inkluzite liberigo di la kurso di kambio e reformo en la publika sektoro, qua employas 2/3 de la laboro-povo ed absorbas 1/3 de la TNP. En 2017, Seychelles membreskis Mondal Organizuro pri Komerco.