Ekonomio di Surinam

L'ekonomio di Surinam esis multe dependanta del exportaci di alumino (oxido di aluminio) e mikra quanti di aluminio extraktita de bauxito produktita en la lando. Tamen, pos ke kompanio Alcoa cesis sua agadi en la lando, l'ekonomio divenis dependanta del exportaci di oro e petrolo. Ambe reprezentas 85% del exportaci e 27% de la guvernala revenui en Surinam. Ora industrio reprezentis 8,5% de la totala nacionala produkturo en 2021, e nun reprezentas 60% til 80% del exportaci di la lando. Konseque, l'ekonomio di Surinam esas vundebla a fluktuo dil internaciona preci. La lando komencis explotar petrolo dum recenta yari, ed en 2012 statala kompanio Staatsolie ja produktis 16.200 bareli di petrolo omnadie. La Borso di Surinam fondesis ye la 1ma di januaro 1994, ma ne funcionas omnadie.

Ekonomio di Surinam
Pekunio	Dolaro di Surinam
Internaciona organizuri	MOK, Unasur, Karibiana Komunitato, Mercosur (asociito)
Statistiki [1]
Totala nacionala produkturo (TNP)	US$ 11 976 milioni (2023)
Rango TNP	163ma[2] maxim granda
Kresko di TNP	2,54% (2023)
TNP po persono	US$ 19 000,00 (2023)
TNP segun sektoro	agrokultivo 7,5%, industrio 39,9%, servadi 48,3% (2023)
Inflaciono	16,2% (2024)
Habitantaro sub la povreso-lineo	70,00% (2002)
Laboro-povo	255 500 (2024)
Laboro-povo segun okupo	agrokultivo 11,2%, industrio 19,5%, servadi 69,3%
Chomeso	7,3% (2024)
Komercala parteneri [1]
Exportaci (US$)	2 793 milioni (2024)
Precipua parteneri	Suisia 49%, Unionita Araba Emirii 28%, Guyana 5%, Usa 4%, Francia 3% (2023)
Importaci (US$)	2 571 milioni (2024)
Precipua parteneri	Usa 22%, Popul-Republiko Chinia 12%, Nederlando 11%, Trinidad e Tobago 9%, Guyana 8% (2023)
Publika financi [1]
Extera debo	2 645 milioni (2023)
Revenuo totala (US$)	863 milioni (2019)
Spenso totala (US$)	1648 milioni (2019)
Noto: Ecepte kande kontree mencionata, valori en ca tabelo esas en Usana dolari

Fabrikerio di aluminio en Surinam.

En 2000, Ronald Venetiaan divenis prezidanto di la lando e afrontis inflaciono qua superirabis 100% omnayare, e forta fiskala deficito. Il adoptis programo di austereso, augmentis procento di interesti, kontrolis publika spenso e domtis inflaciono. La yarala inflaciono en 2014 esis infre 4%. En 2024 ol esis 16,2%^[1].

L'ekonomio di Surinam kreskis mezavalore 6% en 2007 ed en 2008 pro l'extera kolokado en la produktado di minerali, ma en 2009 ol subisis retrakto kande internaciona preci di minerali falis. L'yarala kresko dil ekonomio esis min kam 5% en 2012 e 2014, ed infre 4% en 2014. En 2023 ol esis 2,54%^[1].