Turkmenistan esis la 10ma maxim granda exportacero di kotono, ma povra rekolti dum la yari 2000a diminutis la produktado per 50%. Malgre ke l'agrokultivo reprezentas cirkume 8% de la TNP, ol employas preske la duimo dil habitantaro.[1] Altra importanta kultivo esas frumento, por interna konsumo.
La lando dependas multe del exportaci di hidrokarbidi, qui reprezentas preske 25% del exportaci, nome por Popul-Republiko Chinia. En 2014, l'internaciona preci di petrolo diminutis ed afektis forte l'ekonomio, qua deskreskis. Nun, la rekupero ekonomiala duras.
