Ekonomio di Usa

Usa havas la maxim granda e teknologiale developita ekonomio de la mondo: segun l'Internaciona Monetala Fonduro, en 2025 lua TNP esis 30 507 miliard dolari (la maxim alta de la mondo, segun valori nominala, e la 2ma maxim granda de la mondo, segun equivalanta kapableso di kompro), e lua TNP po persono esis 89 105 dolari, la 7ma maxim alta de la mondo segun valori nominala e la 9ma maxim granda segun equivalanta kapableso di kompro^[3]. Usana dolaro esas la monetaro maxim uzata en internaciona aferi, e rezervo monetala en multa landi. Ultre Usa e sua teritorii, multa landi uzas ol kom sua oficala monetaro, kontre ke altri uzas ol kom sua monetaro de facto.

Ekonomio di Usa
Pekunio	Usana dolaro
Internaciona organizuri	MOK, APEC, Organizuro por Kunlaboro ed Ekonomiala Developo, G20, ed altri
Statistiki [1]
Totala nacionala produkturo (TNP)	US$ 24 977 000 milioni (2023)
Rango TNP	2ma[2] maxim granda
Kresko di TNP	2,89% (2023)
TNP po persono	US$ 74 600,00 (2023)
TNP segun sektoro	agrokultivo 0,9%, industrio 17,6%, servadi 76,4% (2021)
Inflaciono	2,9% (2024)
Habitantaro sub la povreso-lineo	15,10% (2010)
Laboro-povo	172 436 000 (2024)
Laboro-povo segun okupo	agrokultivo 1%, industrio 19%, servadi 80% (2018)
Chomeso	4,1% (2024)
Komercala parteneri [1]
Exportaci (US$)	3 072 000 milioni (2023)
Precipua parteneri	Kanada 14%, Mexikia 13%, Popul-Republiko Chinia 8%, Germania 5%, Japonia 4% (2023)
Importaci (US$)	3 857 000 milioni (2023)
Precipua parteneri	Mexikia 15%, Popul-Republiko Chinia 15%, Kanada 14%, Germania 5%, Japonia 5% (2023)
Publika financi [1]
Extera debo	20 275 951 000 000 (2019)
Revenuo totala (US$)	5 038 miliardi (2022)
Spenso totala (US$)	6 306 miliardi (2022)
Noto: Ecepte kande kontree mencionata, valori en ca tabelo esas en Usana dolari

New York, financala centro di Usa.

L'impulso di lua ekonomio esas lua alta produktiveso, ecelanta substrukturo por transporti, e vasta naturala resursi. Pos la duesma mondomilito, la rapida developo teknologiala rezultis granda diferi inter laboristi: en la bazo di la salariala piramido esas laboristi kun poka studio-tempo, kontre ke en la kulmino esas laboristi kun multa studio-tempo e plu bona salarii. Pos 1975, l'augmento di revenui eventis precipue inter la 20% maxim richa personi.