Ekonomio di Venezuela

L'ekonomio di Venezuela dependas forte de la exportaco di petrolo, qua reprezentas preske 90% de la revenui kun exportaci e 30% de la TNP, malgre la duranta dekado di la produktado en 2017.^[1] De la yari 1950a til la yari 1980a l'ekonomio havis konstanta kresko qua atraktis multa enmigranti, e la lando esis un ek la maxim prosperoza de Latin-Amerika. Kun la krako di la preci dil petrolo l'ekonomio diminutis e l'inflaciono atingis 84% en 1989, e 99% en 1996, tri yari ante Hugo Chávez Frías asumir la povo.

Ekonomio di Venezuela
Pekunio	Bolívar
Internaciona organizuri	MOK, Unasur, ALBA, ONEP
Statistiki [1]
Totala nacionala produkturo (TNP)	US$ 269 068 milioni (2018)
Rango TNP	61ma[2] maxim granda
Kresko di TNP	-19,67% (2018)
TNP po persono	US$ 7 704 (2018)
TNP segun sektoro	agrokultivo 3.9%, industrio 32.9%, servadi 63.2% (2015)
Inflaciono	146101,7% (2019)
Habitantaro sub la povreso-lineo	33.1% (2015)
Laboro-povo	10 245 000 (2021)
Laboro-povo segun okupo	agrokultivo 7.3%, industrio 21.8%, servadi 70.9% (2011)
Chomeso	6,41% (2021)
Komercala parteneri [1]
Exportaci (US$)	83 401 milioni (2018)
Precipua parteneri	India 34%, Popul-Republiko Chinia 28%, Usa 12%, Hispania 6% (2019)
Importaci (US$)	18 432 milioni (2018)
Precipua parteneri	Popul-Republiko Chinia 28%, Usa 22%, Brazilia 8%, Hispania 6%, Mexikia 6% (2019)
Publika financi [1]
Extera debo	109.5 miliardi (2015)
Revenuo totala (US$)	92,8 miliardi (2017)
Spenso totala (US$)	189,7 miliardi (2017)
Noto: Ecepte kande kontree mencionata, valori en ca tabelo esas en Usana dolari

Edifici che placo Plaza Bolívar.

La revenui kun l'exportaco di petrolo itere augmentis dum fino dil yari 1990a e dum la yari 2000a. Publika spenso kreskis per 10% en 2006, 7% en 2007 e cirkume 5% en 2008. Tamen, la diminuto dil preci di petrolo pos 2014 plugraveskis l'ekonomiala krizo. Malgre l'indijo di oficala statistiki, extera experti kalkulas ke la TNP diminutis per 12% en 2017.^[1]

Venezuela anke produktas stalo, aluminio e cemento. La produktado koncentresas en Ciudad Guyana, proxim l'aquobarilo Guri, qua furnisas 3/4 del elektro konsumata en la lando. Altra industriala produkturi esas elektronikala vari, automobili, drinkaji e nutrivi. L'agrokultivo reprezentas 4,4% de la TNP, employas 7,3% de la labor-povo ed adminime 1/4 de la teritoriala surfaco di la lando.^[1]