Extermineyo Sobibor

Extermineyo Sobibor od oficale SS-Sonderkommando Sobibor esis Germaniana naziist extermineyo existanta depos mayo 1942 til decembro 1943. Ol situesis che ferovoyala staciono Sobibór di lineo Chełm – Włodawa en nuntempa distrikto Lublin.

Naziisti Germaniana mortigis ibe Judi de okupita Polonia, ed anke de Austria (1,8 mil), Protektorato di Bohemia e Moravia (6,6 mil), Francia (4 mil), Nederlando (34 mil), Germania (5,7 mil), Slovakia (24 mil) e Soviet-Uniono (2,5-5 mil). Nombro di mortigiti en Sobibor es 170-180 mil.

En la komenco di 1943 existeskis ideo di rezisto inter grupo di Polona Judi kun chefa Leon Feldhendler. La grupo havis nula milital experienco, do l'ideo esis teoretiala. Omno chanjis kande ye la 23ma di septembro venis transportajo di karcerani – soldati di Red-Armeo pri Juda nacionaleso. Preske omna li on instante mortigesis, e travivis nur selektita 60.

Balde Sovietiana lietnanto Alexandr Aronovich Pecherski kun altra soldati kunlaboreskis kun grupo di Feldhendler, qua konocis topografio cirkume l'extermineyo.

Amasal eskapo komencis ye la 14ma di oktobro 1943 de mortigar 12 Germana SS-soldati taceme, e finis per kaosal eskapado tra fenco. On mortigis 230-270 Judi, e c. 300 eskapis. Tamen inkluzinte eskapinti travivis nur 62 karcerani dil externeyo – en ta nombro Pecherski e Feldhendler, ed ank ok mulieri.

Liquidaco dil externeyo esis ye duimo di decembro 1943.