Alexandr Aronovich Pecherski

Alexandr Aronovich Pecherski (Ukrainane Oleksandr Aronovich Pecherskiy) (n. ye la 22ma di februaro 1909 – m. ye la 19ma di januaro 1990) esis Sovietiana oficiro di Red-Armeo, un del organizinti e duktinti di la maxim sucesoza revolto ed amasal eskapo di Judi de naziistal extermineyo dum la duesma mondomilito, qua eventis en l'extermineyo Sobibor ye la 14ma di oktobro 1943.

Alexandr Aronovich Pecherski Yidishe אלכסנדר ארונוביץ' פצ'רסקי‎
Profesiono:	oficiro (1941–1945)
Lando:	Rusa imperio Soviet-Uniono
Naskodato:	22 di februaro 1909
Nasko-loko:	Kremenchug, Rusa imperio
Mortodato:	19 di januaro 1990
Morto-loko:	Rostov-na-Donu, Soviet-Uniono

Til duesma mondomilito

En 1915 olua familio lojeskis en Rostov-na-Donu ube laboris kom elektristo, e pos finigar studiado divenis chefo di "domo di kulturo".

Komenco di la milito

De 22ma di junio 1941 Pecherski esis sub-lietnanto en Red-Armeo, e autune pos salvar vundita soldato – lietnanto.

Ank autune ol divenis kaptito, e pos probar eskapar ol transportesis a karcero proxim Minsk ube naziisti deskovris olua Judala deveno. Rezulte Pecherski trovis su en Sobibor.

Rebeleso en Sobibor

Peczerski esis kunautoro (kun Leon Feldhendler) di aranjo dil amasal eskapo quo eventis en 14ma di oktobro 1943, e probable nur danke ad olu oficirala experienco la operaco sucesis.

Pos l'eskapo

Ye la 22ma di oktobro 1943 atingis partisana grupo en Bielorusia.

Pos enirar Red-Armeo, kom suspektita pri "trahizo di patrio", Pecherski sendesis a punisala bataliono. Ibe ol divenis kapitano, ed, kom duesme vundita, esante en hospitalo proxim Moskva renkontris sua futura spozino Olga Kotova.

En 1943 Pecherski raportis quo eventis en Sobibor, ed en 1946 to publikesis en Usa kom parto di "Nigra libro" (Ruse Chyornaya kniga) – un ek unesma publikaji pri holokausto.

Pos la milito

Alexandr Pecherski rivenis a Rostov-na-Donu ube esis administranto en Teatro Muzikala, ma pose, pro Stalinala "batalio kontre kosmopolitismo", ol ne povis laborar. Nur depos 1955 ol laboris en mashinala fabriko.

En 1963 Pecherski esis kom testo dum proceso di 11 Ukrainana gardisti en Sibibor – ili omna recevis mortopuniso.

Memoro

Til fino di sua vivo Pecherski esis nekonocata heroo.

En 2007 sur muro di domo en Rostov-na-Donu ube il lojis aparis memorigiva plako.

En 1987 kreesis Usana filmo "Eskapo de Sobibor" (kun precipua rolo di Rutger Hauer), ed en 2018 Rusiana – "Sobibor" en qua kom "Sasha" ludis Konstantin Habenski.

Ye la 20ma di marto 2016 prezidanto Vladimir Putin posmorte distingis Pecherski per medalio di braveso recevata da olua nepotino.

En 1963 Pecherski esis kom testo dum proceso di 11 Ukrainana gardisti en Sobibor – ili omna recevis mortopuniso.