Ferovoyo

Fervoyo esas la substrukturo qua uzesas por fervoyala transportado‎, konsistanta ek du paralela reli, ordinare ek stalo, ed anke traversi e stona balasti. Bifurkili duktas treni sen bezonar duktero. Kande ferovoyi konstruktesas, la disto inter la reli mustas mantenesar konstanta, do la reli fixigesas sur traversi - ordinare ligna o betona - qui enterigesas partale uzanta balasto.

Ferovoyo

Ferovoyo en Namibia.

Historio

L'unesma ferovoyi konstruktesis por transportar minerali, exemple karbono o fero-erco, ek mineyi. Pos l'invento e developo di vaporomashini, kreesis lokomotivi por tirar vagoni por transportar pasajeri o vari. Ordinare, kante ula treko ferovoyala finas, uzesas fixa bufri por amortisar eventuala shoki.

L'unesma voyajo di pasajeri per fervoyo uzanta lokomotivi eventis ye 27 di septembro 1825 en Durham Komtio en Anglia. La fervoyo konstruktesis da la kompanio Stockton & Darlington Railway, por transportar karbono de mineyi en la komtio a navi ye la portuo Stockton-on-Tees. La originala intenco esis tirar la karbono-vagoni per kavali, ma George Stephenson, la pioniro di lokomotivi uzanta vapormashini, konsilis ke lokomotivo povas tirar multe plu efikive. La unesma voyajo portis karbono e cirkume 450 pasajeri, ye rapideso 24 km/horo. Reguloza servado por pasajeri komencis ye 10 di oktobro, tirata per kavali til 1833.

Videz anke

• Urbala fervoyo