Flava febro

Flava febro esas morbo virusala, ordinare di kurta durado.^[1] Maxim-multa-kaze inkluzas simptomi kom febro, fremisi, perdajo di apetito, nauzei, muskulala dolori (ordinare en dopa muskuli) e kapodolori. La simptomi ordinare augmentas pos 5 dii^[1], ed en la sequanta dio la febro augumentas e la hepato afektesas; pro to la koloro di la pelo divenas flava. Se to eventas, la riski pri hemoragio e problemi en la reni augmentas.

Viruso di flava febro, augmentita 234 mil foyi.

Regioni de la mondo endemika pri flava febro.

La kauzo di ca morbo esas viruso transmisebla per piko da femina moskiti.^[1] Ordinare, la transmisero esas moskiti de la speco Aedes aegypti. Dum la yaro 2013, 127 000 personi en tota mondo infektesis severe da flava febro, di qui 45 000 mortis.^[1] Preske 90% ek ca kazi eventis en Afrika.