Franco da Rocha

From Wikipedia, the free encyclopedia

Franco da Rocha
Remove ads

Franco da Rocha esas urbo en Braziliana stato Sao Paulo, jacanta an la metropolala regiono di la chef-urbo dil stato. Segun la demografiala kontado di 2022, ol havis 144 849 habitanti[1]. Lua tota surfaco esas 133,9 km².

Franco da Rocha
Thumb
Panoramo pri Franco da Rocha
Thumb Thumb
Standardo Blazono
Lando: Brazilia
Regiono: Sud-estala
Stato: Sao Paulo
Informo:
Fondita ye: 21ma di septembro 1934
Latitudo: 23°19'19" S
Longitudo: 46°43'47" W
Altitudo: 740 m
Surfaco: 133,9 km²
Habitanti: 144 849[1] (2022)
Denseso di habitantaro: 1090,9 hab./km²
Disto de Sao Paulo: 26 km
Horala zono: UTC-3
Urbestro: Lorena Oliveira (Solidariedade, 2025-2028)[2]
Thumb
Oficala retosituo:
https://www.francodarocha.sp.gov.br
Thumb
Centro di Franco da Rocha vidita de ferovoyala staciono.

En 1627 la rejulo di Portugal donis a la sioro Amador Bueno da Ribeira tereni en la regiono por kultivar. La regiono restis rurala til 1888, kande inauguresis la ferovoyala staciono. Tamen, la fakto qua modifikis lua historio esis l'inauguro dil Psikiatriala Hospitalo ed Agrokultivala Kolonio Juquery en 1885. La hospitalo recevis psikiatriala kuracati de omna parti del stato, e dum la yari 1970a cirkume 16.000 personi enternesis ibe[3]. Dum la yari 2000a komencis procedi por klozar ol, ed en 2014, 154 personi ankore restis enternata ibe.[3]

Thumb
Viadukto an la centrala quartero di Franco da Rocha

Kun poka industrii, komerco e servadi, Franco da Rocha funcionas precipue kom dormeyo-urbo, e lua habitanti laboras precipue en Sao Paulo. En januaro 2011 intensa pluvi efektigis inundadi qui afektis severe la centro del urbo. Itere ye la 11ma di marto 2016 eventis destruktiva inundado, kande aqui del aquobarilo Paiva Castro liberigesis por evitar lua krulo pos ke intensa pluvi minacis lua strukturo.[4]

Remove ads

Referi

Loading related searches...

Wikiwand - on

Seamless Wikipedia browsing. On steroids.

Remove ads