Gujarat

Gujarat esas stato en la westala rivo di India. Ol esas la 5ma maxim granda stato di India segun surfaco e la 9ma maxim granda segun quanto di habitanti. Ol kreesis kom stato ye la 1ma di mayo 1960. Lua olima chef-urbo e maxim populoza urbo esas Ahmedabad. Depos la 30ma di julio 1970, lua chef-urbo esas Gandhinagar.^[1]

Gujarat stato di India [[Arkivo:|border|140px]] Chefurbo Gandhinagar Maxim granda urbo Ahmedabad Oficala linguo o lingui: Gujarati, Hindi Surfaco 196 024 km² Habitanti Denseso di habitantaro 60 439 692 (2011) 308,04 hab./km² Guvernisto Acharya Dev Vrat Horala zono UTCUTC+5:30 TNP (yaro) US$ 320 miliardi (2024-25)

L'ekonomio di Gujarat esas la 5ma maxim granda di India, ed ol esas la 2ma maxim industriizita di la lando. Ol havas basa chomeso e havas un ek la maxim granda ekonomiala kreski di la lando.

Historio

Gujarat esis un ek la centri di la kulturo dil valo dil fluvio Indus. Ol kontenas kelka metropoli de ta epoko, nome Lothal, Dholavira e Gola Dhoro. En Lothal establisesis la maxim anciena portuo di India, e lokala habitanti komercis kun Antiqua Egiptia, Bahrain e Sumeria inter 1000 aK e 750 aK. Pose, diversa politikala enti, exemple imperio Maurya, dinastio Satavahana, imperio Gupta, ed imperio Gurjara-Pratihara kontrolis la regiono.

Chandragupta Maurya, unesma imperiestro di imperio Maurya, konquestis diversa rejii en la nuna stato Gujarat. Pushyagupta divenis guvernisto di peninsulala regiono Saurashtra. Ilu guvernis Girinagar (la nuna Junagadh) de 322 aK til 294 aK, e konstruktis aquobarilo qua formacis lago Sudarshana. Dum la 2ma yarcento aK, Indo-Greki komandita da Demetrius la 1ma de Baktria vinkesis dum batalio en la regiono.

Chandragupta Vikramaditya del imperio Gupta konquestis la regiono dum la fino dil 4ma yarcento, ma cirkume la duimo dil 5ma yarcento l'imperio komencis dekadar. Senapati Bhatarka, generalo del imperio, profitis de la situaciono, e fondis rejio Valabhi en 470. Ilu transferis lua chef-urbo a Vallabhi, e lua sucedinti (dinastio Maitraka) guvernis la regiono til cirkume yaro 776.

Dum la komenco dil 8ma yarcento, Arabi del kalifio Umayyad komencis l'expanso di islamo til la nuna Pakistan, este. Pos diversa kampanii, li vinkesis en 730 ed ekpulsesis del esto di fluvio Indus.

Geografio

Ekonomio