Ido-konfero 2025

La Ido-konfero 2025 eventis en Potsdam, Germania inter la 17ma julio 2025 e la 20ma julio 2025 en la chefurbo del Germana federala lando Brandenburg e en Berlin. La Germana Ido-Societo e la Ido-Amiki Berlin aranjis la renkontro.

• Konfereyo: Rusche43, Ruschestrasse 43, Berlin-Lichtenberg
• Hotelo: Good Morning Berlin City East, Ruschestrasse 45, Berlin Lichtenberg.
• Partoprenanti: 12 Idisti de 4 landi
• Nomi di partoprenanti: Gerhild Drogi, Rudolf Gensch, Dorothea Haberland, Rainer Höhling, Jean Martignon, Robert Pontnau, Ricarda Rieck, Günter Schlemminger, Thomas Schmidt, Eberhard Scholz, Hans Stuifbergen, Rumi Todorova.

La Ido-renkontro 2025 havis oficala kanto Venez a Potsdam! kreita da Emma Schmidt ^[1]

Programo

16ma di julio 2025: Arivo dil unesma partoprenanti

• Komuna dineo.

17ma julio 2025 jovdio: Arivo en Berlin, exkurso a Potsdam

• 15 kloki: Filmeyo-Potsdam Babelsberg. Guidado per Martin Schlemminger tra la filmeyo.

18ma julio 2025 venerdio: Exkurso a Potsdam

• Vizito dil Kastelo Sanssouci en Potsdam.
• Vizito dil Rusa kolonio Alexandrovka en Potsdam.

19ma julio 2025 saturdio: Kunsido en Berlin

• Kunsido en la konfereyo Rusche43 en Berlin-Lichtenberg inter 10 e 18 kloki.
• Prizento da Günter Schlemminger pri Ido e sua laboro kom tradukero di literaturo aden Ido.
• Prizento e diskurso da Hans Stuifbergen pri la situaciono dil ULI e diskutado. La konfero rekomendas nova elekti dil Direktanta Komitato pos ke la ULI determinas klare, qua esas membro en la ULI e havas la yuro votar e votesar.
• Diskurso da Thomas Schmidt pri Artificiala Inteligenteso e sua posiblaji por uzar ol por Ido.
• Diskurso da Rumi Todorova pri la Europa Kulturo chefurbo 2025 Chemnitz
• Yarchefkunveno dil Germana Ido-Societo. Dorothea Haberland elektesis kom nova kasistino pos la morto di Dieter Schmidtchen en la yaro 2024. Decido ke la Germana Ido-Societo pregas la ULI suportar financale por la internaciona linguo-expozo Expolingua en Berlin en la novembro 2025.
• Komuna dineo

20ma di julio 2025 sundio: Departo

• Individuala departo