Jean Richepin

Jean Richepin (pronunco: ja_n-rishpe_n; Medea, Aljeria, la 4ma di februaro 1849 - m. Paris, la 12ma di decembro 1926) esis Franca skriptisto di teatraji e poeto. Membro dil Akademio Franca (1908), malgre rezisto di altra membri.

Richepin renkontris la grupo "Cercles de poetes Zutiques" (i.a. Paul Verlaine, Arthur Rimbaud, Étiènne Carjat, Charles Cross). Komenco di 1870 il influesis dal idei di la movemento Parnasse, qua propagis la principo arto-pro-l'arto. Pose il ruptis kun ta ideali e komencis plu romantika stilo. Il honorizis la kanaliaro di la ruro, ma anke extersociani, povri e mendikeri, qui juis lia libereso e nedependanteso. La vulgara tono di la poemo "Chanson des gueux" (1876) provokis skandalo, ma olua sono, eufoniozeso e richeso de imaji efektigis novigant influo ye la poezio.