Judicio

En yurocienco judicio esas la decido di judiciisto o korto pri yuri ed obligesi di parti en legal agadi o procesi^[1]. Ordinare, judicii ank explikas pro quo la decido di la judiciisto o di la korto adoptesis. La judiciado facita en ula instanco esas definitiva pri la temo judiciata en ca instanco, e finas l'interveno di la judiciisto o di la korto en la proceso judiciita. La sentenco judiciala esas definitiva kande ne pluse existas legala posibleso pri apelar a korto supera o pri demandar nova judicio.

La formi e la kazi pri quale apelar por nova judicio o por analizo di korto supera varias segun la legaro di irga lando.

L'efekti di ula judicio esas:

• fino di la partopreno di la judiciisto o di la korto,
• la juridikala konsequi di la kozo judiciita (res iudicata), signifikanta ke la decido esas nechanjebla,
• l'efikiveso e nemediateso di la rezulti di la judicio.