Jurnalisto

Jurnalisto esas persono qua asemblas, skribas e/o distributas novaji od altra informi por la publiko. La profesiono nominesas "jurnalisteso" en Ido, e komence la vorto "jurnalisto" uzesis nur por la profesionani qui skribis por jurnali. Nun, ca vorto ank enkorpigas profesionani qui asemblas, skribas, distributas o brodkastas novaji tra televiziono, radio, interreto, edc, inkluzite raportisti qui transmisas informi exter brodkasteyi.

Televiziono-raportisto dum transmiso en Hispania.

Europana jurnalisti en Maastricht, 1981.

Existas jurnalisti specaligata en specifika temi, exemple sporta jurnalisti, o cienca jurnalisti.

Ocidita jurnalisti

Jurnalisto ne esas profesiono sen danjero, li ofte laboras en la maxim danjeroza regioni di la mondo (Palestina, Ukraina, Siria, Pakistan, Bangladesh), sub maxim desfacil e danjeroza cirkonstanci (militi), ed ofte sen aceso a celita dokumenti kovrant ula afero. Segun la NGO Reporters Sans Frontières en 2024 ocidesis 104 jurnalisti pro lia laboro^[1].