Konstituco

Konstituco esas sistemo di normi, ordinare skribita en unika texto, qui establisas reguli e principi segun quo ula regiono (lando, stato, provinco, municipo) od organizuro guvernesas.

Originala texto dil Usana konstituco.

Pri landi, ca vorto referas precize a nacionala konstituco, qua definas fundamentala politika principi, ed establisas la strukturo, procedi e devi di la guvernerio. En la maxim multa landi, la konstituco anke grantas kelka homala yuri en lua texto.

La konstituco judikesas kom la maxim importanta lego di ula lando. Altra legi kreita pose mustas respektar la determini di konstitucala texto, e la legi qui existis ante la konstituco nur duros mantenor efikiveso se li respektos la nova konstitucala determini.

Klasifikuro di la konstituci

La konstituci povas klasifikesar segun la facileso o desfacileso pri modifikar lua texto, en "rigida konstituci" o "desrigida konstituci". La konstituci "rigida" demandas procedi plu komplexa, o kun quanto di voti favorebla plu granda kam la bezonata por aprobar ordinara legi, exemple: la konstituco di Brazilia determinas ke por aprobar emendi a lua texto bezonesas 3/5 ek la membri del parlamento (senato e chambro di deputati) e du votadi,^[1] kontre ke por aprobar ordinara legi bezonesas nur singla majoritato de la duimo plus un ek la membri de la Chambro di Deputati, e singla majoritato de la duimo plus un ek la Senatani, en unika votado en omna chambri.^[2]