Lancashire

Lancashire esas un ek la 47 ceremoniala komtii di Anglia. Segun statistiki de 2022, ol havis 1 253 154 habitanti. Lua tota surfaco esas 3079 km². Lua limiti kreesis per lego de 1972, votita en 1974.

Lancashire Ceremoniala komtio di Anglia Urbo Lancaster. Chefurbo Lancaster Maxim granda urbo Preston Surfaco 3079 km² Habitanti Denseso di habitantaro 1 253 154 (2022) 433 hab./km² Lord Lieutenant Amanda Parker Horala zono UTC+0 (UTC+1 dum somero) Reto https://www.lancashire.gov.uk

Lancashire esis importanta ekonomiala centro dum la 19ma yarcento. La maxim importanta ekonomial agadi esis exploto di karbono, produktado di texuro, nome kotono, e pesko. La doki de Preston, olim importanta por l'ekonomio, nun ne uzesas komercale.

Historio

Romana balneyi en Castle Hill, Lancaste.

La regiono habitesis da le Briganti mem dum l'epoko di Romana dominaco. Urbi Manchester, Lancaster, Ribchester, Burrow, Elslack e Castleshaw developesis cirkum Romana fuorti. Romani abandonis la regiono en 410, e dum la sequanta yarcenti la nordo di la regiono probable apartenis a Britona rejio Rheged. Cirkume la duimo dil 8ma yarcento, la regiono enkorpigesis ad Anglosaxona rejio Northumbria, de la nordo di fluvio Ribble til rejio Mercia. Amba regioni divenis parto di Anglia dum la 10ma yarcento.

La komtio establisesis en 1182, e lua limiti esis Cumberland, Westmorland, Yorkshire e Cheshire. Quale altra nordala komtii, la regiono subisis inkursi da Skoti, exemple en 1138 - kande ol anexesis a Skotia dum kurta periodo - ed en 1322, kande rejulo Robert the Bruce avancis sude til urbo Chorley.