Lazio

Lazio esas la duesma maxim populoza ek la 20 regioni di Italia, dop Lombardia. Jacanta an la centro di la lando, ol esis la bersilo dil Antiqua Roma. Segun statistiki de 2022, ol havis 5 708 464 habitanti. Lua tota surfaco esas 17 236 km². Stateto Vatikano esas teritorial inkluzajo en Lazio.

Lazio Regiono di Italia Kolizeo en Roma. Chefurbo Roma Maxim granda urbo Roma Surfaco 17 236 km² Habitanti Denseso di habitantaro 5 708 464 (2022) 341.09 hab./km² Prezidanto regionala Francesco Rocca Horala zono UTC+1 (UTC+2 dum somero) TNP (yaro) € 212,9 miliardi (2022) Reto www.regione.lazio.it/

Lazio developesis dum l'epoko di civilizuro Etruska ed esis la "kordio" dil Imperio Romana, e pose di Papala Stati. Nun ol esas regiono ekonomiale developita, kun moderna industrio, komerco e servadi, publika servadi, ed importanta turistala loki, kun privilejizita geografiala loko an la centro di la peninsulo Italiana.

Historio

Pikturo en Etruska tombeyo, che nekropolo Monterozzi, Lazio

La regiono esis hemo por agrokultivala populi di lingui Indo-Europana depos Bronz-epoko. Arkeologiala restaji montras ke dum la 10ma yarcento aK, agrokultivo lente developesis en la regiono, e multa vilaji establisesis. Greki, Etruski, Faliski, Liguri, Feniciani ed altra populi vivis o komercis ibe. Etruska civilizuro developesis precipue an la norda rivo dil fluvio Tiber, uzis alfabeto derivita del anciena alfabeto Greka, e havis lua apogeo dum la 7ma yarcento aK.

Malgre ke Romana historiisto Marcus Terentius Varro afirmis ke Roma fondesis ye la 21ma di aprilo 753 aK da Romulus e Remus, arkeologiisti deskovris restaji di muri konstruktita dum la 9ma yarcento aK, e ceramiko del 8ma yarcento aK. La kolino Palatina posible vizitesis e koloniigesis mem ante, dum la 10ma yarcento aK. Posible, l'unesma habitanti dil urbo rezultis de mixo inter Greki, Albani (de Alba Longa), altra populi de Lazio ed Etruski. Tradicionale, on kredas ke Roma kontrolesis da 7 reji, de 753 aK til 509 aK: Romulus, Numa Pompilius, Tullus Hostilius, Ancus Marcius, Lucius Tarquinius Priscus, Servius Tullius, e Lucius Tarquinius Superbus.

Geografio

Lago Nemi, jacanta 25 km sude de Roma.

Ekonomio