Matāʻutu

Matāʻutu, anke Mata Utu, esas la chef-urbo e maxim populoza urbo di Wallis e Futuna. Segun la demografiala kontado dil yaro 2018, ol havis 1 029 habitanti.^[1]

Matāʻutu
Mata-Utu vidita del aero.
Lando:	Wallis e Futuna
Informo:
Latitudo:	13°17'S
Longitudo:	176°11'E
Habitanti:	1 029[1] (2018)
Horala zono:	UTC+12
Mapo:

Historio

Dum la Mezepoko, reji Tuʻi Tonga invadis l'insuli, militis kontre lokala populi, e prenis kontrolo dil arkipelago. Li instalis lua unesma chefo, e nomizis lu Uveas, quo anke divenis la nomo di la dinastio qua guvernis la du insul-grupi.

L'insul-grupo Futuna deskovresis dal Nederlandani en 1617. L'insul-grupo Wallis - la situo dil chef-urbo - okupesis 1842 dal Franci, qui establisis protektorato super amba arkipelagi en 1887.

Dum la duesma mondomilito, militala slupo Chevreuil desembarkis detachmento di maristi de Libera Francia qui, pos skaramucho, kaptis lokala radiostaciono ed enkarcerigis soldati de Francia di Vichy.