Mediki Sen Frontieri (Franca: Médecins Sans Frontières (MSF), pronunco [medsɛ̃ sɑ̃ fʁɔ̃tjɛʁ]) esas organizuro fondita en Francia qua nun agas en tota la mondo, por furnisar humana helpo a regioni devastita pro militi o subdevelopita landi qui afrontas endemii. Lua sideyo esas Genève, Suisia.
Sideyo di MSF en Genève.Laboristo de MSF examenas puero.
L'organizuro fondesis ye la 20ma di decembro1971 da grupo di mediki e jurnalisti, inter li Bernard Kouchner e Jacques Mabit. Multa ek ta mediki e jurnalisti laboris en Reda Kruco e vidis la rezulto dil masakro dil populo Ibo en Biafra. Li ne aceptis tacar pri la masakro.
Li notis ke nur irar a deskoloniizita landi di Afrika ed Azia por traktar maladi ne esis suficanta: on mustis anke denuncar la violaco di homala yuri, atencigar publika opiniono tra komuniko-moyeni, ed igar la helpo profesionala. Li kredis ke omna habitanti di la Tero darfas recevar medikala kuracado, irga sua raso, religio o politikala kredo.
En 1999 l'organizuro ganis la Nobel-premio pri paco. Nun ol havas plu kam 5 milion asociiti en cirkume 70 landi e plu kam 34 000 kunlaboranti, e mantenas agiva sideyi en Paris, Amsterdam, Bruxel, Barcelona e Genève. En 2010 l'organizuro recevis 943,3 milion Euri, di qui 91% originis de privata donaci.
Plusa informi Listo di Nobel-laureati pri paco ...
