Kontrato pri Libera Komerco di Nord-Amerika

From Wikipedia, the free encyclopedia

Kontrato pri Libera Komerco di Nord-Amerika
Remove ads

La Kontrato pri libera Komerco di Nord-Amerika (en Angliana North American Free Trade Agreement - NAFTA; en Hispaniana Tratado de Libre Comercio de América del Norte - TLCAN o TLC; en Franciana Accord de libre-échange nord-américain - ALÉNA) esas kontrato signatita da guverni di Usa, Kanada e Mexikia por krear komercala uniono en Nord-Amerika. Ol sucedis pakto inter Kanada ek Usa por libera komerco inter la du landi.

Thumb
De sinistra til dextra, dop en l'imajo: Carlos Salinas (Mexikia), George H. W. Bush (Usa) e Brian Mulroney (Kanada) en San Antonio, Texas, 17 di decembro 1992.
Thumb
Landi partoprenanta en la Kontrato pri libera Komerco di Nord-Amerika: Kanada, Usa e Mexikia.

La kontrato signatesis en l'urbo di San Antonio, Texas en 17 di decembro 1992 da Usana prezidanto George H. W. Bush, Kanadana chefministro Brian Mulroney e Mexikiana prezidanto Carlos Salinas de Gortari, por funcionar pos 1 di januaro 1994. La kontrato pri libera komerco kreis komercal uniono kun plu kam 21 milioni km² di surfaco, e plu kam 450 milioni habitanti en 2010. En 2009 lua TNP esis $ 16 792 miliardi.

La skopo di NAFTA/TLC/ALÉNA esis eliminar barili por komerco e kolokado inter la 3 landi. Kande ol efikeskis ye la 1ma di januaro 1994, dogano-taxi desaparis en duima di Mexikiana produkti exportacita ad Usa, ed en 1/3 di Usana produkti exportacita a Mexikia. Pos 10 yari, tota dogano-taxi inter la 3 membri mustus eliminesar, ecepte por kelka agrokultivala produkti, qui demandis 15 yari por eliminar tote lua barili.

L'oficala lingui por publikigar la dokumenti pri la kontrato esas 3: Angliana, Hispaniana e Franciana.

Remove ads
Loading related searches...

Wikiwand - on

Seamless Wikipedia browsing. On steroids.

Remove ads