Natado

Natado esas la diplaso di ula persono od animalo tra aquo per uzo di extremaji korpala, ordinare sen uzo di instrumento o suporto por avancar. Ordinare, homi uzas natado por amuzo, sporto, exerco, o transvivo. Homi anke povas retenar la respirado e natar subaqua rudimente.

Wikipedio

Wikivortaro explikas
ca rubriko
en altra lingui: Natado

En la konkursi pri natado, la skopo esas parkurar predeterminata disto dum la minima tempo.

Puerino natas subaqua.

En kelka landi, natado esas parto del studio-programo.^[1] Kom sporto, existas multa konkursi pri natado, esante la maxim importanta ti qui eventas dum l'Olimpiala Ludi.

Cienco

Natado esas posibla pro ke la mezavalora denseso di la homala korpo esas 0,98 kompare la denseso del aquo, quo esas 1, e to posibligas homi flotacar. Tamen, la flotaco-kapaceso varias segun la salo-koncentro en la aquo e la kompozajo di homala korpo. Pro ke la korpo homala esas min densa kam l'aquo, l'aquo soportas homala pezo, e l'esforco pri natar esas min intensa kam l'esforco bezonata por kurar.

Natado povas facesar instintale poka semani pos nasko, kom evolucionala respondo. Bebei havas inata kapaceso pri plunjar til cirkume l'evo di 6 monati.^[2]