Nunavut

Nunavut esas la maxim nova, e la min populoza teritorio di Kanada. Separesis de Nord-Westala Teritorii ye la 1ma di aprilo 1999, segun frontieri establisita en 1993. Segun la demografiala kontado di 2021, ol havis 36 858 habitanti. Lua tota surfaco esas 2 093 190 km², de qui 1 836 993,78 km² esas lando, e la cetera esas aquo.

Nunavut ᓄᓇᕗᑦ Teritorio di Kanada Insulo Baffin kun glaciero. Chefurbo Iqaluit Maxim granda urbo Iqaluit Surfaco 2 093 190 km² Habitanti Denseso di habitantaro 36 858 (2021) 0,02 hab./km² Chefa ministro Komisito Pauloosie Jamesie Akeeagok Eva Aariak Fondita o kreita 1ma di aprilo 1999 Horala zono UTC-7 til UTC-4 (UTC-6 til UTC-4 dum somero) TNP (yaro) C$ 2 846 milioni (2017) Reto www.gov.nu.ca

Historio

Mapo montras migrado di le Thule, e dekado di kulturo Dorset.

La kontinentala teritorio di Nunavut habitesas de adminime 4500 yari ante nun, da Paleo-Eskimoi qui migris adeste tra stretajo Bering. Li sucedesis da tale nomizita "kulturo Dorset", cirkume 2800 yari ante nun. La regiono e posible exploresis da Norvegi, ed on kredas ke insuli nomizita Helluland en saga Islandana referas insuli interne bayo Baffin.

Populo Thule, ancestri de la nuna Inuit, komencis migrar a la regiono veninta de Alaska dum la 11ma yarcento. On kredas ke cirkume yaro 1300 le Thule ja okupabis la tota regiono nun habitata da le Inuit.

Til 1994 la teritorio di la nuna Nunavut apartenis a Nordwestala Teritorii (Angle: Northwest Territories), ma Nunavut fondesis dal Inuit qui habitas la nordo di Kanada.

Vintrala Olimpiala Ludi qui eventis en 2010 uzis la simbolo dil Inuit nomizita Inukshuk.

Geografio

Nunavut kovras entote 1 877 787 km² di landala surfaco e 160 930 km² di aquala surfaco norde de Kanada. Granda parto del insuli che l'Arktiko Kanadana ed omna insuli de la bayi Hudson, James ed Ungava apartenas ad ol. Ol anke havas marala frontieri kun Grenlando.

Ol havas du tipi di klimato: sub-Arktika sude, e polala Arktika centre e norde. Granda parto de la tereni sub Arktika klimato kovresas per tundro, e minora parto kovresas per dika glacio.

La maxim alta monto di Nunavut esas Barbeau Peak, havanta altitudo di 2 616 metri.

Demografio

Habitanti de Nunavut, 1999.