Pacifismo

Pacifismo esas ensemblo di doktrini qui opozas milito e violento. La termino vortifis da Émile Arnaud (1864–1921) ed adoptesis da altra pacala aktivisti dum la 10ma kongreso pri paco, qua eventis en Glasgow, Skotia, la yaro 1901.^[1] Relata termino esas Sanskrita ahimsa, signifikanta "facar nula domajo", qua esas centrala filozofio en religii kun Indiana origino, exemple Budhismo, Hinduismo e Jainismo.

Paco-signo, larje asociata kun pacifismo.

Religiala chefi pregas kune en Assisi, Italia dum la Mondala Dio di Pregado pri Paco en 2011

La skopo di pacifisti esas solvar konflikti per diplomacal agadi, civila desobedio, boikoto kontre ti qui defensas violento, ed altra agadi qui povas preventar la komenco o durado di militi. L'ideo pri finar la militi anke aparas en l'introdukto di la charto dil Unionita Nacioni. Ol dicas: "Ni, la populi dil Unionita Nacioni, determinita a prezervar la sequanta generacioni de la plago di la milito, qua dufoye dum nia vivi produktis nekalkulebra chagreni kontre la homaro...", "..., e, kun tala skopi, praktikar toleremeso e kunvivar paceme quale bona vicini..."^[2]