Papo Franciskus

Franciskus (latine: Franciscus), per civila nomo Jorge Mario BERGOGLIO (n. 17ma di decembro 1936 - m. 21ma di aprilo 2025), esis la 266ma e nuna papo di la Katolik eklezio. Il esis l'unesma ne-Europana papo pos Gregorius la 3ma (qua regnis 1 200 yari ante lore) e l'unesma jezuita papo.

Franciscus Papo di Katolik-Eklezio
Papo de la 13ma di marto 2013 til 21ma di aprilo 2025
Precedanto:	Benedictus la 16ma
Sucedanto:	Leo la 14ma
Bapto-nomo:	Jorge Mario Bergoglio
Naskodio:	17ma di decembro 1936
Naskoloko:	Buenos Aires, Arjentinia
Morto-dio:	21ma di aprilo 2025
Mortoloko:	{{{Mort-urbo}}}
Listo pri papi: Kronologio • Alfabetale

Papo Franciskus enterigesis la 26ma di aprilo 2025 en Vatikano.

Elekto kom papo

Ye la 13ma di marto 2013 la konklavo elektis ilu kom papo. Il elektesis lor la kinesma votado.

Il esis la unesma papo naskinta exter Europa pos Gregorius la 3ma (naskinta en Siria ed elektita ye 731).

Il selektis por su la nomo Franciskus, qua nultempe til lore uzesis da papo, por la memoro di Santa Franciskus de Asizo.

Opinioni

Dum sua 12-yara papeso Franciskus asertis opinioni progresista favore la lukto kontre la klimatala pluvarmesko, la acepto dil refujanti e la sociala justeso.

Tamen il durigis konservema doktrino pri la yuri dil LGBT-homi e pri aborto.

Il durigis la lukto kontre la sexuala violenti ad infanti e yuni en la Katolika eklezio, e la dialogo interreligia. Il pledis por Ukraina lor la invado di olu da Rusia, e por quika bataloceso en la Gaza-Strio depos 2023.

Ilua stilo ed opinioni igar ilu papo populara che la Katoliki, ma ilu tre kritikesas da la partisi extrem-dextra e mem anke en la eklezio ube la konservemi kontestas ilu.