Peter Bogdanovich

Peter Bogdanovich (Kingston, Nova-York, 30 julio 1939 – Los Angeles, 6 januaro 2022) esis Usana rejisisto skriptisto ed aktoro. Il esis la filiulo di Usana enmigrinti qui fugis pro la Naziismo. Ilua patro esis Serbiana piktisto e pianisto, ilua matro venis de rich Austrian-juda familio.

Peter Bogdanovich
Profesiono:	filmifisto
Lando:	Usa
Naskodato:	30 di julio 1939
Nasko-loko:	Kingston, Nova-York, Usa
Mortodato:	6 di januaro 2022
Morto-loko:	Los Angeles, Kalifornia, Usa

L'Oskar-nominito por la filmi "The Last Picture Show" (La lasta film-prizento) e Paper Moon ("Papera Luno"), mortis ye evo 82. Segun ilua filiino, la rejisisto mortis pro naturala kauzo, skribas jurnalo Hufington Post.

Bogdanovich konsideresas kom apartenant a la generaciono Nova Hollywood-aktori, kun interaltre Woody Allen, Martin Scorsese e George Lucas. Ca generaciono de filmifisti divenis popular en la yari 1960a, 1970a e 1980a, e formacis la fundamento por la maniero quale film-produkterii ankore nun produktas filmi.

Il debutis per ""The Last Picture Show" (1971), filmo kun interaltre Jeff Bridges pro mikra vilajo en l'Usana stato Texas. La rejisisto esis nominita por Oskar-premio. Pose Bogdanovich facis la komedio "What's Up, Doc?" (Quo esas, Dok?), kun Barbra Streisand e Ryan O'Neal.

Per "Paper Moon" il itere nominesis por Oskar-premio. Il ne ganis la premio, ma la lore dek yari evanta Tatum O'Neal ganis ol por maxim bona cetera rolo. Ilua maxim lasta filmo esis "She is funny, that way" (El esas amuzanta, tala-maniere) de 2014.

Ultre rejisisto Bogdanovich, kun sua karakterizanta keratina binoklo, anke esis aktiva kom skriptisto e produktisto. Ed intertempe il freque aparis koram la kamero. Il ecelis kom Dro. Elliot Kupferberg en la HBO-serio "Le Soprano" ed il pleis ante kelka yari en la filmo "The Other Side of the Wind" (L'altra Latero di la Vento) da Orson Welles.

Bogdanovich anke recevis atenco por sua private vivo. Tale il havis afero kun aktorino Cybill Shepherd dum ilua mariajo kun Polly Platt. Il anke dum kurta fristo esis kun Dorothy Stratten, modelo di (revuo) Playboy e pos elua morto havis relato kun elua fratino.