Pulmonito

Pulmonito esas inflamuro di la parenkimo di pulmono, afektanta precipue l'alveoli. Olua simptomi esas precipue tuso sika o kataroza, febro e desfacileso por respirar. La severeso di la kondiciono esas variebla.

Radiografuro de torako montranta pulmoni kun pulmonito.

Ordinare, la kauzo di pulmonito esas infekto da virusi o bakterii, e min freque da altra mikroorganismi. Identificar la patogeno povas esar desfacila. La bazo por diagnozo esas la simptomi e fizikala exameno. Radiografuro di pulmoni, probi di sango, e kultivo dil expektoruro povas konfirmar la diagnozo^[1].