Querétaro

Querétaro esas un ek la 31 stati di Mexikia. Ol havas kom vicini la stati Guanajuato e San Luis Potosí norde, Hidalgo e México sude, e Michoacán weste. Segun statistiki de 2020, ol havis 2 368 467 habitanti.

Querétaro Stato di Mexikia Kirko di Santa Maria dil Asunciono Chefurbo Santiago de Querétaro Maxim granda urbo Santiago de Querétaro Oficala linguo o lingui: Hispana, Otomí Surfaco 11 699 km² Habitanti Denseso di habitantaro 2 368 467 (2020) 202.45 hab./km² Guvernisto Mauricio Kuri González Horala zono UTC-6 TNP (yaro) US$ 32,7 miliardi (2022) Reto www.queretaro.gob.mx

Historio

Ante l'arivo dil Europani, la regiono habitesis da indijeni del etnii Otomí e Purépicha, ta lasta la maxim granda grupo. Anke existis nomada populo, le Chichimeca. Existas restaji de ta epoko en El Cerrito, Ranas e Toluquilla.

Segun la tradiciono, Hernán Pérez Bocanegra y Córdoba fondis Santiago de Querétaro ye la 25ma di julio 1531, pos federir kun aborijena chefo Conín. En 1655 Santiago de Querétaro transformesis en urbo. En 1726 komencis konstrukto di aquedukto, grandaparte kun suporto financala da markezo Juan Antonio de Urrutia y Arana.

En septembro 1810, Querétaro divenis bersilo di la movado pri nedependo Mexikiana.

Geografio

Tri regioni distingesas en la stato, segun l'altitudo: l'Estala Sierra Madre, la centrala platajo e la regiono volkanala. L'altitudo e la klimato kreis 5 diferanta geografiala regioni. La midezerto Queretano esas vasta regiono kovranta 29% del stato, irante deeste adweste, ed existas pro ke l'estala Sierra Madre blokusas humida venti qui suflas de l'oceano.

Ekonomio