Regiono Murcia

L'Autonoma Komunitato Murcia esas regiono di Hispania, jacanta sude de la lando. Ol havas kom vicini Kastilia-La Mancha norde, Valencia este, Andaluzia weste e Mediteraneo sude.

Murcia Región de Murcia (Hispana) Autonoma komunitato di Hispania Plajo Calnegre, che municipo Lorca. Chefurbo Murcia Maxim granda urbo Murcia Surfaco 11 313 km² Habitanti Denseso di habitantaro 1 552 457 (2023) 137.22 hab./km² Regionala prezidanto Fernando López Miras (PP) Horala zono UTC+01:00 (UTC+02:00 dum somero) TNP (yaro) € 31,46 miliardi (2018) Reto www.carm.es

Historio

Arto rokoza en Cañaica del Calar.

La maxim anciena restaji pri homala habitado en la regiono troveis che la kaverno Cueva Negra, kun fosili del Homo heidelbergensis, qua habitis ibe c. 1 milion yari ante nun, ante l'arivo dil Homo neanderthalensis. Che groto Cueva Victoria trovesis fosili qui identifikesis kom homala, evanta 1,2 milion yari. Restaji del Homo neanderthalensis, de 150 mil til 35 mil yari aK, trovesis en monto Cabezo Gordo. De neolitiko trovesis pikturo en roki en Cañaica del Calar.

Iberi habitis la regiono ante l'arivo di Kartagani e Romani, e komercis kun Feniciani. En 227 aK, Asdrubal (Azroba) fondis urbo Cartagena e nomizis ol Qart Hadasht ("nova urbo"). En 209 aK, l'urbo konquestesis da Romana generalo Publius Cornelius Scipio, qua ribaptis ol "Nova Kartago". Sub Romana dominaco la regiono esis parto di provinco Hispania Citerior, e pose di provinco Terraconense.

Geografio

La maxim granda urbo di la regiono esas anke lua chef-urbo, Murcia. Altra importanta urbi esas Cartagena, Lorca e Caravaca de la Cruz.

La maxim alta monto di la regiono esas Revolcadores, kun 2.027 metri di altitudo.

Ekonomio

Petrolo-refinerio en Escombreras.

Quale en l'altra regioni Hispana, la maxim multa employi koncentresas en la sektoro di servadi, pose industrio e fine agrokultivo. Pos sika sezoni dum la yari 1990a e samatempe la kresko di imoblala sektoro, konstrukto e turismo divenis la bazo dil ekonomio regionala. Dum recenta yari, ekonomiala krizo afektis konstruktala sektoro.

Turismo nun reprezentas cirkume 50% de la totala produkturo regionala, e koncentresas en Cartagena ed altra municipi plajala, exemple San Javier. Anke tale nomizita "turismo di kongresi" atraktas viziteri a la regiono.

L'exportaci dil industrio, nome energiala e petrokemiala, ank esas importanta por l'ekonomio regionala. Industrii koncentresas en valo Escombreras, en Cartagena. Importanta kompanii, exemple Repsol, Enagás, Iberdrola, Engie, Naturgy e Química del Estroncio, havas fabrikerii ibe. Petrolo-refinerio konstruktita da Repsol en 1950 recevis en 2012 la maxim granda kolokado en industrial afero de la historio di Hispania.

Agrokultivo, edukado e pesko reprezentas 5,99% de lokala produkturo totala, e 35,95% de la sulo di la regiono uzesas por agrokultivo. Extrakto-industrii e transformo-industrii reprezentas 18,32% de totala regionala produkturo. Turismo reprezentis 11,4% de totala regionala produkturo en 2018.

Referi

Commons

Commons havas kontenajo relatante a:

Autonoma Komunitato Murcia