Richard Feynman

Richard Phillips Feynman (1918 til 1988) esis Usana fizikisto qua recevis la Nobel-premio pri fiziko en 1965.

Richard Phillips Feynman

Profesiono:	Fizikisto


Lando:	Usa
Naskodato:	11 di mayo 1918
Nasko-loko:	Far Rockaway, Queens, New York, Usa
Mortodato:	15 di februaro 1988
Morto-loko:	Los Angeles, Usa
Retoloko:	http://richardfeynman.com/

Il studiis ye la Instituto di Teknologio en Massachusetts, e ye la universitato di Princeton. En 1940 il komencis laborar por la projeto por developo di la atomala bombo, ye Los Alamos en Nova-Mexikia. En 1945 il divenis akademiano ye la Universitato di Cornell, New York, e pose ye la Instituto di Teknologio, Kalifornia. Il ganis Nobel-premio en 1965 pro lua laboro pri quantumo-elektrodinamiko.

Plu tarde en la vivo il esis membro di la komisitaro qua inquestis la dizastro di Spaco-paromo Challenger, qua explozis dum lanseso en januaro 1986. Dum ula prizentado di la komisitaro, ilu demonstris, per glacio ed aquo en glaso, ke esencala ringatra klozilo divenis min elastika ye basa temperaturo, quo esis kauzo di falio dum lansado di Challenger en kolda vetero.

Plusa informi Nobel-premiiziti pri fiziko ...