Shanghai

Shanghai, pinyine Shànghǎi (Chiniane 上海) esas un ek quar urbi separita kom legitima provinco e la 2ma maxim populoza urbo di Popul-Republiko Chinia, dop Chongching. Segun la demografiala kontado di 2020, ol havis 24 870 895 habitanti^[1]. Lua tota surfaco esas 6341 km².

Shanghai
Kelk imaji pri Shanghai.
Lando:	PR Chinia
Informo:
Latitudo:	31°13'43"N
Longitudo:	121°28'29"E
Altitudo:	4 m
Surfaco:	6341 km²
Habitanti:	24 870 895 (2020)
Denseso di habitantaro:	3900 hab./km²
Horala zono:	UTC+8
Urbestro:	Gong Zheng
Mapo:
Oficala retosituo:
www.shanghai.gov.cn

Expozo-Centro di Shanghai, exemplero pri Stalinal arkitekturo.

Jacanta apud la fluvio Yangce, nun ol esas globala centro por financi, aferi ed ekonomiko, inquesto ciencala, eduko, cienco e teknologio, industrio, turismo e transporto. La sideyo di granda entraprezi Chiniana jacas ibe. Anke la banko New Development Bank - NDB - kreita da la landi qui formacas BRICS, hava sua sideyo ibe. La portuo di Shanghai esas la maxim granda de la mondo pri movo, uzo ed enmagazinigado di buxegi. En 2022, lua metropolala regiono produktis preske 13 bilion RMB, equivalanta a US$ 1,9 bilioni.

Shanghai esas un ek la maxim importanta centri financala, aferala, ekonomiala, por ciencala inquesto, cienco, teknologio, por manufalturo, transporto, turismo e kulturo de la mondo. Lua portuo esas la maxim importanta por transporto per buxegi en la mondo.

L'urbo havas 4 importanta universitati: l'Universitato Fudan, l'Universitato Shanghai Jiao Tong, l'Universitato Tongji, e l'Universitato Normala di Estal Chinia.

Geografio

Huangpu trairanta Shanghai.

Jacanta an l'estuario di fluvio Yangce, la reliefo di Shanghai esas preske plana, kun mikra vario di altitudo. Granda parto di lua suli rezultis del akumulo di sedimenti transportita dal fluvio dum mili di yari, ed anke de dreno e terolaboro di kelka arei. Pro to, lua suli ordinare esas sabloza, e granda edifici mustas konstruktesar kun profunda pilastri por preventar abaso en mola sulo. La mezavalora altitudo dil urbo esas 4 metri, e lua maxim alta punto esas kolino Sheshan, kun 118 metri super la marala nivelo, jacanta sude del urbo. Rivero Huangpu, enfluanto di Yangce konstruktita dal homo, dividas la centro dil urbo en du.

La klimato di Shanghai esas humida subtropikala (Cfa segun la klimatala klasifikuro da Köppen). La mezavalora temperaturo en januaro (vintro) esas 5,4°C, kontre ke la mezavalora temperaturo en julio (somero) esas 29,1°C.

La mezavalora yarala pluvo-quanto dil urbo esas 1336,6 mm, e la maxim pluvoza monato esas junio e agosto, kun mezavalore 224,9 mm e 225,9 mm.