Sicilia

Sicilia esas la maxim granda insulo en Mediteraneo ed anke autonoma regiono di Italia, kune minora insuleti vicina.

Sicilia Regiono di Italia Kultivo di olivi en Sicilia. Chefurbo Palermo Maxim granda urbo Palermo Surfaco 25 833 km² Habitanti Denseso di habitantaro 4 969 891 (2019) 193,83 hab./km² Prezidanto regionala Renato Schifani (Forza Italia) Fondita o kreita 15ma di mayo 1946 Horala zono UTC+1 (UTC+2 dum somero) TNP (yaro) 91 936 milion € (2021) Reto oficala situo

Historio

Greka amfiteatro proxim la nuna Siracusa.

Ye la 11ma di januaro 1693, severa tertremo eventis ye la esto dil insulo. Pos mikra tertremo ye 9ma di januaro, qua ipsa efektigis domajo, la precipua tremo duris quar minuti, qua efektigis grava domajo di urbi e vilaji en sud-esta Sicilia; cirkume 60 mil personi mortis. Esis "tsunami" ye la litoro dil Ioniana Maro, qua severe domajis litorala vilaji. Dum la sequanta yari esis multa rikonstruktado di urbi, pluraloke sur nova tracuri. Nova publika edifici e kirki havis notinda arkitekturala stilo, qua plu tarde nomizesis Siciliana baroka.

Geografio

Reliefo di Sicilia.

Ekonomio

Anciena kastelo Normanda, turistal atraktivo.

Pro lua recenta kresko, l'ekonomio di Sicilia ja esas la 8ma maxim granda de Italia, segun totala interna produkturo. Diversa modernigi en l'agrokultivo posibligis augmentar la kapaceso pri konkurencar kun altra merkati. La precipua agrokultivala produkturi esas citrusi, olivo ed oliv-oleo, vitobero e vino (exemple vino Marsala), mandelo, tomato, pistacho, artichoko ed altra legumi, frumento ed altra cereali.

La maxim importanta industrii di la regiono esas nutrivala e drinkala, kemiala e petrokemiala, transformo di metali, texaro e vestaro, produktado di mashinaro ed equipuri industriala, ceramiko e porcelano, moblaro e mestiero. Catania koncentras industrii teknologiala, nome mikrocirkuiti e fotovoltaika paneli.

La maxim importanta servadi esas l'arei di turismo, komerco e transporto. La richeso kulturala di la regiono atraktas multa viziteri. Tamen, regionala chomeso esas plu alta kam olta di la cetera Italia. Ca difero rezultas de la mala influo da mafio, qua duras esar aktiva en la regiono.