Springfield, Massachusetts

Springfield esas urbo en la komtio Hampden, en Massachusetts, Usa. Segun la demografiala kontado di 2010, lua habitantaro esis 153 060 personi. Lua metropolala regiono havis 698 093 habitanti en 2009.^[1] Ol esis l'unesma loko en Usa qua recevis la nomo "Springfield".

Springfield, Massachusetts
Edifici di Springfield.
Standardo	Blazono
Lando:	Usa
Stato:	Massachusetts
Informo:
Latitudo:	42°06'45" N
Longitudo:	72°32'51" W
Altitudo:	50 m
Surfaco:	85,66 km²
Habitanti:	153 060 (2010)
Denseso di habitantaro:	1786,86 hab./km²
Horala zono:	UTC-5 (UTC-4 dum la somero)
Urbestro:	Domenic Sarno (D)
• Springfield
Oficala retosituo:
www.springfieldma.gov

Hartford, Connecticut, distas 38 km sude de Springfield. La regiono inter la du urbi surnomizesas "koridoro di la konoco" pro koncentrar plua kam 32 universitati e fakultati pri arto en la regiono, kun entote 160 mil studenti.

Geografio

Promeneyo alonge rivero Springfield.

Segun l'Usana Kontado Ministerio, l`urbo havas entote 86 km², equivalanta a 33,2 mi², di qui 2,9 km² (1,1 mi²) esas lando e 83,1km² (32,1 mi²) esas aquo.^[2] L'urbo jacas an l'estala rivo dil rivero samnoma, cirkondata da monti, promontorii e kolini en omna direcioni. Lua mezavalora altitudo esas 21 metri.

La klimato dil urbo esas humida kontinentala (Dfa segun la klimatala klasifikuro da Köppen), kun varma somero e quar sezoni. La mezavalora temperaturo en januaro (vintro) esas -2,7°C, kontre ke la mezavalora temperaturo en julio (somero) esas 23,5°C.

La mezavalora yarala pluvo-quanto esas 1195 mm, e la maxim pluvoza monato esas oktobro, kun mezavalore 115 mm. Dum somero, ofte eventas tempesti, kontre ke dum vintro (decembro til marto, rare de novembro til la komenco di aprilo) nivo esas frequa. Omnayare, nivas cirkume 131 milimetri.