Sudal Karolina
From Wikipedia, the free encyclopedia
Remove ads
Sudal Karolina esas Usana stato. Lua vicina stati esas Nordal Karolina norde, e Georgia weste e sude. Este jacas Oceano Atlantiko. Segun la demografiala kontado di 2020, ol havis 5 118 425 habitanti. Lua tota surfaco esas 82 931 km².
South Carolina (Angla)
| ||||||||||||||||||||||||||||||||||||||||||||||||||||||||||
Remove ads
Historio
On kredas ke l'unesma habitanti dil stato esis populi de tale nomizita "kulturo Clovis", cirkume 9500 til 9000 yari aK. Tamen, che arkeologiala situo Topper, apud rivero Savannah, trovesis petra utensili posible de 50 mil yari ante nun. On kredas ke l'unesma habitanti chasis granda animali, e pos la chanjo klimatala cirkume 8 mil yari aK, lua dieto inkluzis nuci, frukti, fishi e konki. La maxim anciena restajo ceramikala de ta populo datizesis de 3800 aK, e li vivis en la regiono til cirkume 2000 aK.
Dum tale nomizita "forestala periodo" (de 1000 aK til l'arivo di Europani) lokala habitanti komencis kultivar maizo e kukombro, uzar arki e flechi, e manufakturar plu bona ceramikaji. Kande Europani arivis, existis 29 tribui o nacioni indijena interne la futura stato. On kalkulis ke li esis inter 17 mil e 30 mil personi, qui povis grupigesar en 3 linguala grupi: Algonquiani, Siouxani e Iroquoisani.
Hernando de Soto esis l'unesma Europano qua exploris la regiono, en 1540. L'expediciono anke portis morbi qui komencis decimacesar lokala habitanti. En 1562, Franca Hugenoti probis koloniigar la regiono, tamen abandonis ol en 1565. Pose, jezuiti Hispana fondis misiono che insulo Parris, qua kurtatempe (de 1566 til 1587) esis chef-urbo di Hispana Florida. L'Angla kolonio Karolina establisesis en 1663, kande rejulo Charles la 2ma di Anglia koncesis charto a 8 ek lua suportinti (nomizita Angle Lords Proprietors pro sua esforci pri restaurar katolikismo en la lando.
Sudal Karolina divenis Usana stato ye la 23ma di mayo 1788.
Remove ads
Geografio
Ekonomio
Referi
Wikiwand - on
Seamless Wikipedia browsing. On steroids.
Remove ads